ah! le patois dauphinois non de gu!

par leanouk Dim 11 Sep 2016 - 15:29

Haddock : Ah ! Lou prïntan !... Lou bravo mai de mai !... La canpanyi... dïn tou lou fraitsâ dou renouvè !... Lou-s-ouisèou que dzargounoun !... Quelé flou de bai !... É quèi gou !... Quaou boun gou de téra é de fôlyé !... Rèspira byin Tintin. Prenyé-s-an byin votré couré de quel'èr pi é vyou, si fïn, si frai é qu'ou pèitilyé que lan a-t-anvai de lou bèouré...

Tintin : A vré diré, couma gou, lan ressanblé pa vrémèan a icaou de la raousa !...

Haddock : Tïn ! l'èi vré ! Ah ! mé vèitya : nou sèmoun-s-a coutyé de quaou gadouiradzou anté lan mandé touté lé menyisé é lé cayounaryé dou payi ! Bïn, ma fé ! l'ya de dzan que sanbloun amâ quaou gou dou dza !... L'èi pa poussiblou !...

Tintin : De Djyaran !

Haddock : I rèstoun dïn quela saleta, quelou badoou !... L'èi pa vré !...

Tintin : Chout !... Écouta !... Lan diri in'éfan que belé...

Miarka : BOU-OUH !

Tintin : Ina petita Boumyane !...

Miarka : BOU-OU-OUH !

Tintin : I se seré écarta dou canpeman que nou venyoun de vai... Boundzou !... Eh byin ! Prequé belé-te ? Di-mi : t'a pèrdi toun tsami ?... Aloun, n'aguèssya pa paou ! Coumèan t'apélé-te ? Mi me syou Tintin. É ti ?...

Haddock : Parla sou, petita !... Mé arèsta de te dèimenâ non de gu !... Nou-s-aloun pa te mïndziya !...

Tintin : Naou, naou, capiténou ! "
étonné